Ֆրանսիայում հայկական ծագմամբ Ֆրանսիայի քաղաքացին գունավոր հեղուկ է լցրել Թուրքիայի դեսպանի վրա
Թուրքական Hürriyet թերթի փոխանցմամբ՝ Փարիզում Թուրքիայի դեսպան Հաքքը Աքիլը կոնֆերանսներից մեկի ժամանակ ունեցած ելույթում ենթարկվել է «ներկանյութային հարձակման»:
Միջադեպը տեղի է ունեցել Փարիզի Դեկարտ համալսարանի իրավաբանական ֆակուլտետում կազմակերպված «Լաիցիզմը Թուրքիայում և Ֆրանսիայում» խորագրով կոնֆերանսի ժամանակ:
Դեսպանի ելույթի ժամանակ ամբիոնին է մոտեցել կոնֆերանսի ներկաներից մեկը և ներկանյութ է շպրտել նրա վրա: Անվտանգության աշխատակիցները վնասազերծել են հարձակումն իրականացնողին:
Պարզվել է, որ նա հայկական ծագմամբ Ֆրանսիայի քաղաքացի է: Ստորև ներկայացվող Al-Jazeera հեռուստաալիքի տեսանյութի վրա գրված է, որ նա նռան հյութ է լցրել դեսպանի վրա:
