Մարտի կեսին ծովում կփորձարկվի Ռուսաստանի համար Ֆրանսիայում կառուցված «Միստրալ» տիպի երկրորդ ուղղաթիռակիրը
Ռուսական Интерфакс լրատվական գործակալության փոխանցմամբ՝ Ռուսաստանի ռազմածովային ուժերի պատվերով Ֆրանսիայում կառուցված «Միստրալ» տիպի երկրորդ ուղղաթիռակիրը՝ «Սևաստոպոլը», մարտի 15-ից հետո կփորձարկվի ծովում: Այս մասին հայտնել է լրատվամիջոցի աղբյուրը:
Պայմանագրի համաձայն՝ «Սևաստոպոլ» ուղղաթիռակիրը Ռուսաստանի ռազմածովային ուժերին պետք է հանձնվի 2015 թվականի հոկտեմբերին: Ավելի վաղ հաղորդվել էր, որ Ռուսաստանը կարող է պատժամիջոցներ սահմանել Ֆրանսիայի դեմ՝ կապված «Միստրալ» տիպի առաջին ուղղաթիռակիր «Վլադիվոստոկի» հանձնումը ձգձգելու հետ:
