Թուրքիան նավթի փնտրտուքով կզբաղվի Հյուսիսային Իրաքի քրդական ինքնավարության տարածքում
Թուրքական Anadolu լրատվական գործակալության փոխանցմամբ՝ Թուրքիան նավթահանքերի հետախուզման աշխատանքներ է իրականացնելու Հյուսիսային Իրաքի քրդական ինքնավարության տարածքում: Այս մասին հայտարարել է Թուրքիայի էներգետիկայի ու բնական պաշարների նախարար Թաներ Յըլդըզը.
«Իրաքի կառավարության հետ համաձայնագրով՝ մենք նավթ ենք որոնելու Հյուսիսային Իրաքում՝ Ղանդիլ լեռան ստորոտում գտնվող Չոման և Հինդիրան վայրերում: Նավթային ոլորտում համագործակցելն իր ներդրումը կունենա քրդական խնդրի կարգավորման գործընթացում»:
