Մոսկվայում ընդդիմության երթի ժամանակ ձերբակալվել է ավելի քան 50 մարդ
Ռուսական Интерфакс լրատվական գործակալության փոխանցմամբ՝ Մոսկվայի կենտրոնում երեկ անցկացվել է սգո երթ՝ նվիրված ընդդիմադիր քաղաքական գործիչ Բորիս Նեմցովի հիշատակին, ով սպանվել է փետրվարի 27-ի ուշ երեկոյան:
ՆԳՆ-ի հաղորդմամբ՝ երթին մասնակցել է 21.000 մարդ: Սակայն երթի կազմակերպիչներին ընդգծել են, որ ակցիային մասնակցել է 70.000-80.000 և անգամ 100.000 մարդ: Երթի ժամանակ ձերբակալվել է ավելի քան 50 մարդ:
Այս մասին հայտնել է Մոսկվայի քաղաքապատերանի տարածքային անվտանգության դեպարտամենտի ղեկավար Ալեքսեյ Մայորովը: Ակցիայի մասնակիցները ձերբակալվել են հասարակական կարգը խախտելու համար: Նրանց տեղափոխել են ոստիկանական բաժանմունք՝ վարչական պատասխանատվության ենթարկելու համար: Ավելի ուշ նրանց մեծ մասին ազատ են արձակել:
