Գևորգ Կոստանյանը Գյումրի չի գնալու
Գյումրիում հունվարի 12-ին սպանված Ավետիսյանների հարազատները փետրվարի 12-ին Շիրակի մարզի դատախազության մոտ տեղի ունեցած բողոքի ժամանակ պահանջել էին, որպեսզի ՀՀ գլխավոր դատախազ Գևորգ Կոստանյանը գնա Գյումրի և պատասխանի իրենց հուզող հարցերին: Նրանք պահանջել էին, որպեսզի Գ. Կոստանյանը Գյումրի մեկնի այսօր՝ փետրվարի 26-ին:
168.am-ի գրավոր հարցմանը՝ արդյոք Գևորգ Կոստանյանը պատրաստվո՞ւմ է գնալ Գյումրի, ՀՀ գլխավոր դատախազության աշխատակզմի հանրային կապերի բաժնից պատասխանել են. «ՀՀ գլխավոր դատախազի փետրվարի 26-ի աշխատանքային օրակարգում այցելություն Գյումրի չի նախատեսվում»:
