«Տանկային բիաթլոն 2015» մրցույթը կանցկացվի մարտին
Ռուսական РИА Новости լրատվական գործակալության փոխանցմամբ՝ Ռուսաստանի Հարավային ռազմական օկրուգի մոտոհրաձգային զորամիավորումների ավելի քան 300 տանկի ու հետևակի մարտական մեքենայի անձնակազմ ձեռնամուխ են եղել «Տանկային բիաթլոն 2015» մրցույթին:
Այս մասին այսօր հայտնել է Հարավային ռազմական օկրուգի մամլո ծառայությունը: Վերջինիս հաղորդմամբ՝ «Տանկային բիաթլոն 2015»-ն անցկացվելու է 2015 թվականի մարտին՝ «Միջազգային զորախաղեր 2015»-ի առաջին փուլի շրջանակներում:
Վարժանքներն անցկացվելու են մեկ ամսում Հայաստանի, Վոլգոգրադի մարզի, Ստավրոպոլի ու Կրասնոդարի երկրամասերի, Չեչնիայի, Ղրիմի, Դաղստանի ու Հյուսիսային Օսիայի հանրապետությունների զորավարժարաններում:
