Պարզ խորհուրդներ՝ ձիգ որովայն ունենալու համար

Steptohealth.ru կայքը մի քանի խորհուրդ է ներկայացրել ձիգ որովայն ունենալու համար:

1. Ճիշտ սնվեք: Օրը սկսեք մրգերով օրգանիզմը մաքրելուց. դա կարող եք անել նաև թարմ հյութերի, ինչպես նաև՝ լիմոնով թեյի օգնությամբ: 30 րոպե անց արդեն կարող եք նախաճաշել: Կարևոր է հիշել, որ նախաճաշն անհրաժեշտ է օրգանիզմին: Պետք է ճաշացանկից հանել կաթնամթերքները, երշիկեղենը և քաղցրեղենը:

2. Կարևոր է նա ֆիզիկական վարժությունների ամենօրյա կատարումը:

3. Մի մոռացեք ջրի օգտագործման մասին: Սովորաբար իդեալական չափ է համարվում 2 լիտր ջուր օգտագործելը:

4. Պասիվ կենսակերպն ու նստած աշխատանքը որովայնի հատվածում ճարպի կուտակման պատճառներից մեկն է: Հետևեք այն ժամանակին, որը նստած եք անցկացնում: Կարևոր է 1 ժամ նստելուց հետո քայլել, կարող եք նույնիսկ մի քանի վարժություն անել:

5. Քաշ կորցնելը բարդ գործընթաց է: Այն պահանջում է համառություն և կանոնավորություն: Ճաշացանկում կատարված փոփոխություններն ու վարժություններ կատարելը սկզբնական շրջանում կարող են շատ դժվար թվալ: Սակայն դա չպետք է խոչընդոտ հանդիսանա. անհրաժեշտ է մշտապես հետևել սննդակարգին և վարժություններ կատարել:

Թարգմանությունը՝ 168.am-ի