Եվրասիական միջկառավարական խորհրդի առաջին նիստն անցկացվելու է փետրվարի 6-ին
Ռուսական РИА Новости լրատվաական գործակալության փոխանցմամբ՝ Եվրասիական միջկառավարական խորհրդի առաջին նիստն անցկացվելու է փետրվարի 6-ին: Դրան մասնակցելու են Հայաստանի, Ռուսաստանի, Բելառուսի, Ղազախստանի ու Ղրղզստանի կառավարությունների ղեկավարները:
Այս մասին երեկ հայտնել է Ռուսաստանի կառավարության մամլո ծառայությունը: Նիստի ժամանակ քննարկվելու է ԵՏՄ-ին Ղրղզստանի միանալու հարցը: Բացի այդ, քննարկվելու է ինտեգրացիոն օրակարգի հարցերի լայն շրջանակ, որոնք առնչվելու են ԵՏՄ-ի գործունեությանը:
Նիստի նախօրեին Ռուսաստանի վարչապետ Դմիտրի Մեդվեդևն առանձին հանդիպումներ է անցկացնելու այժմեական երկկողմ հարցերի շուրջ:
