ՆԱՏՕ-ն եվրաինտեգրման գործընթացում աջակցում է Վրաստանին. Վերշբոու
Новости-Грузия լրատվական գործակալության փոխանցմամբ՝ ՆԱՏՕ-ն վերահաստատում է եվրոպական ու եվրաատլանտյան ինտեգրման գործընթացում Վրաստանին իր լիակատար աջակցությունը: Այս մասին այսօր Թբիլիսիում հայտարարել է ՆԱՏՕ-ի գլխավոր քարտուղարի տեղակալ Ալեքսանդր Վերշբոուն.
«Ուրախ եմ, որ գտնվում եմ Վրաստանում, և սա իմ առաջին հանդիպումն էր պետնախարար Բաքրաձեի հետ: ՆԱՏՕ-ն ևս մեկ անգամ հաստատում է Վրաստանի եվրոպական ու եվրաատլանտյան ինտեգրման գործընթացում իր լիակատար աջակցությունը: Վրաստանը ՆԱՏՕ-ի լավ գործընկերն է»:
Վերշբոուն հավելել է, որ Դավիթ Բաքրաձեի հետ հանդիպման ժամանակ կարևորել է բարեփոխումների անցկացման անհրաժեշտությունը: Վերշբոուն երկօրյա այցով Թբիլիսիի է ժամանել անցած գիշեր:
