Վրաստանի արտգործնախարարը մեկնել է ԱՄՆ
Новости-Грузия լրատվական գործակալության փոխանցմամբ՝ Վրաստանի արտգործնախարար Թամար Բերուչաշվիլին այսօր առավոտյան աշխատանքային առաջին այցով մեկնել է ԱՄՆ, ուր նա պետք է անցկացնի բարձր մակարդակի մի շարք հանդիպումներ:
Այցը տևելու է մինչև փետրվարի 4-ը: Պլանավորված է, որ Բերուչաշվիլին այցի շրջանակներում հանդիպումներ է ունենալու ԱՄՆ փոխնախագահ Ջո Բայդենի, ինչպես նաև օրենսդիր և գործադիր մարմինների ներկայացուցիչների հետ:
Հունվարի 30-ին Բերուչաշվիլին ելույթ կունենա Ատլանտյան խորհրդում կազմակերպվելիք «Արևելյան Եվրոպայի համար Անդրատլանտյան ռազմավարություն» կոնֆերանսում, ինչպես նաև կմասնակցի Ռազմավարական ու միջազգային հետազոտությունների կենտրոնի (CSIS) կազմակերպած քննարկմանը:
