Ռուսաստանն ընթացիկ տարվա ռազմական ծախսերը կրճատել է 10 տոկոսով
Ռուսական Интерфакс լրատվական գործակալության փոխանցմամբ՝ Ռուսաստանի ռազմական բյուջեի ծախսերն ընթացիկ տարում կրճատվել են 10 տոկոսով՝ բացառությամբ Սպառազինության պետական ծրագրի: Այս մասին հայտարարել է Ռուսաստանի պաշտպանության փոխնախարար Տատյանա Շևցովան.
«Դեռ որոշվել է չկրճատել Սպառազինությունների պետական ծրագրի ծախսերը: Ինչ վերաբերում է ընթացիկ ռազմական ծախսերին, ապա դրանք կրճատվել են 10 տոկոսով, ինչպես որ գործադիր իշխանության մյուս մարմինների դեպքում է»:
Բյուջեի հիմնական մասն ուղղվելու է բանակի ու նավատորմի վերազինմանն ու զորքերին նոր ռազմական տեխնիկա և սպառազինություն մատակարարելուն:
