ՆԱՏՕ-ն պետք է հրամանատարական կետեր ծավալի ու արագ արձագանքման ուժեր ստեղծի եվրոպական 6 երկրում. Նուլանդ
ZN.UA-ի փոխանցմամբ՝ ՆԱՏՕ-ն պետք է հրամանատարական կետեր ծավալի ու արագ արձագանքման ուժեր ստեղծի եվրոպական 6 երկրում: Այս մասին հայտարարել է ԱՄՆ պետքարտուղարի՝ Եվրոպայի ու Եվրասիայի հարցերով օգնական Վիկտորյա Նուլանդը.
«Մենք պետք է հնարավորինս արագ հրամանատարական ու վերահսկման կենտրոններ ստեղծենք վեց երկրում, որոնք գտնվում են առաջնագծում»: Նուլանդը չի մանրամասնել, թե որ երկրների մասին է խոսքը:
Նա հայտարարել է, որ ՆԱՏՕ-ի երկրները պետք է փոխադարձ պարտավորություններ ստանձնեն, որ դաշինքի բոլոր անդամները պետք է իրենց ներդրումն ունենան արագ արձագանքման նոր ուժերի ստեղծման մեջ, որոնք կարող են արագորեն պատասխանել խնդրահարույց կետերում ծագող մարտահրավերներին:
