Պեսկովը ՌԴ-ի դեմ նոր պատժամիջոցներ սահմանելու մասին սպառնալիքները որակել է «տնտեսական շանտաժ»
Ռուսական ТАСС լրատվական գործակալության փոխանցմամբ՝ Ռուսաստանի նախագահի մամլո քարտուղար Դմիտրի Պեսկովը երկրի դեմ նոր պատժամիջոցներ սահմանելու մասին սպառնալիքները որակել է որպես «տնտեսական շանտաժ».
«Փոխանակ ուժեղացնեն ճնշումը նրանց վրա, ովքեր հրաժարվում են երկխոսելուց և խաղաղ ճանապարհով հակամարտությունը կարգավորելուց, մենք լսում ենք Ռուսաստանի հասցեին տնտեսական շանտաժի վերսկսման մասին: Դա բացարձակապես ապակառուցողական, ոչնչով չարդարացված և վերջին հաշվով անհեռատես գիծ է:
Ռուսաստանը երբևէ չի համաձայնվել նման սպառնալիքներին, և առավել ևս այդ սպառնալիքներն ու նման շանտաժը երբևէ չեն հանգեցրել ու չեն հանգեցնի նրան, որ Ռուսաստանն այդ ճնշման ներքո փոխի իր հետևողական ու քաջ հայտնի դիրքորոշումը»:
