ԵՄ-ը ՌԴ-ին կոչ է արել ամբողջովին ճանաչել մինսկյան համաձայնագրերի իրագործման պատասխանատվությունը
ZN.UA-ի փոխանցմամբ` ԵՄ-ը Ռուսաստանին կոչ է արել ստանձնել Մինսկյան հուշագրի իրագործման պատասխանատվությունը` Ուկրաինայի արևելքում բռնությունների դադարեցումն ապահովելու համար: Այս մասին հայտարարել է ԵՄ-ի դիվանագիտության ղեկավար Ֆեդերիկա Մողերինին.
«Վերջին էսկալացման համար պատասխանատուներն այժմ պետք է ցույց տան, որ նրանք լուրջ են տրամադրված քաղաքական որոշումների մասին ստանձնած պարտավորությունների հարցում և կանեն ամեն հնարավոր բան` դադարեցնելու համար բռնությունները` ներառյալ ծանր սպառազինության անհապաղ հետ քաշումը և Մինսկյան համաձայնագրերով նախատեսված շփման գծի նկատմամբ հարգանք ցուցաբերելը:
Մենք հատկապես Ռուսաստանին կոչ ենք անում ամբողջովին ճանաչել իր պատասխանատվությունը»: Մողերինին դատապարտել է երեկ Դոնեցկում անցկացված գերիների հրապարակավ շքերթը:
