Իրանը ցավակցական ուղերձ է հղել Սաուդյան Արաբիայի կառավարությանն ու ժողովրդին
Իրանական IRNA լրատվական գործակալության փոխանցմամբ՝ Իրանի ԱԳՆ-ի խոսնակ Մարզիե Աֆհամը ցավակցական ուղերձ է հղել Սաուդյան Արաբիայի կառավարությանն ու ժողովրդին՝ կապված գիշերն այդ երկրի թագավոր Աբդուլլահի մահվան հետ:
Աֆհամը հավելել է, որ Իրանի արտգործնախարար Մոհամմադ Ջավադ Զարիֆը մեկնելու է Սաուդյան Արաբիա, ուր և մասնակցելու է թագավոր Աբդուլլահի հուղարկավորությանը:
Սաուդյան Արաբիայի թագավոր, 91-ամյա Աբդուլլահ բին Աբդուլազիզը երեք շաբաթ բուժում ստանալիս երեկ գիշեր մահացել է հիվանդանոցում: Սաուդյան Արաբիայի թագավոր է դարձել Աբդուլլահի եղբայր, 79-ամյա (ծնվել է 1935 թվականին) Սալմանը:
