Գարիբաշվիլին Իլհամ Ալիևին հրավիրել է Վրաստան
Новости-Грузия լրատվական գործակալության փոխանցմամբ՝ Վրաստանի վարչապետ Իրակլի Գարիբաշվիլին Դավոսում ընթացող Համաշխարհային տնտեսական ֆորումի շրջանակներում հանդիպել է Ադրբեջանի նախագահ Իլհամ Ալիևի հետ և նրան հրավիրել է Վրաստան:
Այս մասին հայտնել է Վրաստանի վարչապետի մամլո ծառայությունը. «Վրաստանի վարչապետն Ադրբեջանի նախագահին հրավիրել է Վրաստան: Կողմերը քննարկել են երկու երկրների բարիդրացիական հարաբերությունները և դիտարկել են ռազմավարական համագործակցությունը»:
Գարիբաշվիլին ու Ալիևը ցանկություն են հայտնել խորացնելու երկու երկրների համագործակցությունը քաղաքական, տնտեսական, մշակութային ու էներգետիկ ոլորտներում:
