Չինաստանը երկաթուղի կկառուցի Պեկինից մինչև Մոսկվա
Bloomberg գործակալության փոխանցմամբ՝ Չինաստանը ճեպընթաց երկաթուղի կկառուցի 1.5 տրիլիոն յուանով (242 միլիարդ դոլար), որը Պեկինը կկապի Մոսկվային: Այս մասին հայտարարել են Չինաստանի իշխանությունները:
Ենթադրվում է, որ երկաթուղու ընդհանուր երկարությունը կազմելու է 7000 կիլոմետր, որի հաղթահարումը կպահանջի երկու օր: Այն անցնելու է Ղազախստանի տարածքով: Գործակալությունն ընդգծում է այն փաստը, որ Չինաստանի երկաթուղիներ կառուցելու ոլորտում իր տեխնոլոգիաները միջազգային շուկայում առաջ է տանում Ռուսաստանի ու Արևմուտքի միջև հարաբերությունների վատթարացման ֆոնին:
