«Ես անկեղծորեն համարում եմ, որ սա քաղաքական հարց չէ, հետևանքը կարող է քաղաքական լինել». Գևորգ Կոստանյանը՝ Գյումրիի դեպքերի մասին
«Ես անկեղծորեն համարում եմ, որ սա քաղաքական հարց չէ: Հետևանքը կարող է քաղաքական լինել, բայց սա իրավական հարց է»,- այսօր ԱԺ-ում Գյումրիում տեղի ունեցած դեպքերի քննարկման ժամանակ ասաց ՀՀ գլխավոր դատախազ Գևորգ Կոստանյանը:
Նրա խոսքով՝ իրավական տիրույթում հարցը լուծելուց հետո միայն կարող ենք քաղաքական հարցեր բարձրացնել:
Պատգամավոր Ալեքսանդր Արզումանյանի դիտարկմանը, թե այս քննարկմանը պետք է ներկա լիներ ՀՀ ԱԱԾ ներկայացուցիչը, քանի որ այս հարցը հենց այդ տիրույթում է, Գ. Կոստանյանն ասաց, թե իր փոխարեն կարող էր ներկա լինել ցանկացած պաշտոնյա, քանի որ այս հարցը բոլորին է առնչվում:
