Ուկրաինացի զինվորականները լքել են Դոնեցկի օդանավակայանի տարածքը
Lenta.ru-ի փոխանցմամբ՝ ուկրաինացի զինվորականները լքել են Դոնեցկի օդանավակայանի տարածքը: Այս մասին նշված է ուկրաինական «Ազով» կամավորական գումարտակի Facebook-յան էջում: Դրանում նշված է հետևյալը.
«Ինչպես հայտնի է, Դոնեցկի օդանավակայանը պաշտպանող ուկրաինացի զինվորականները հարկադրված են եղել հանձնել այն, ինչը դեռևս մեկ տարի առաջ հիանալի, ժամանակակից օդանավակայան էր:
Հերոսական պաշտպանության ժամանակաշրջանը շարունակվեց 242 օր: Դա ավելին է, քան Մոսկվայի ու Ստալինգրադի պաշտպանությունը Հայրենական Մեծ պատերազմի տարիներին»: Դոնեցկի օդանավակայանի կորուստն անցած գիշեր խոստովանել է նաև ուկրաինական Censor.net պորտալի գլխավոր խմբագիր Յուրի Բուտուսովը:
Վերջինս օդանավակայանի կորստյան համար մեղավոր է համարել Գլխավոր շտաբի պետ Վիկտոր Մուժենկոյին: Բուտուսովը խոստացել է իր դիրքորոշումը ներկայացնել Ուկրաինայի Գլխավոր դատախազությանը:
