Կտեսնե՛ք, որ Պերմյակովին Հայաստանում կդատապարտեն ցմահ ազատազրկման. Մարգարիտա Սիմոնյան
Russia Today-ի գլխավոր խմբագիր Մարգարիտա Սիմոնյանը Twitter-ի իր միկրոբլոգում անդրադարձել է Գյումրիի ողբերգական դեպքերին. «Մարդասպան զինվորին կդատեն Հայաստանում: Նրան կդատապարտեն ցմահ ազատազրկման: Այ կտեսնեք».
Սիմոնյանը կատարել է նաև մեկ այլ գրառում, որում հիշեցրել է Հայաստանի նախագահ Սերժ Սարգսյանի հետ հանդիպման ժամանակ Ռուսաստանի քննչական կոմիտեի ղեկավար Ալեքսանդր Բաստրիկինի այն խոսքերը, որ Գյումրիում իրականացված սպանդի գործով հրապարակային դատական գործընթացն անցկացվելու է Հայաստանում, ինչը կվկայի արդարությանն ու արդարադատությանը հասնելու ձգտման մասին:
