Հերբերտ Զալբերն ու Իլհամ Ալիևը քննարկել են ԼՂ-ի հարցը
Ադրբեջանական Turan լրատվական գործակալության փոխանցմամբ՝ Ադրբեջանի նախագահ Իլհամ Ալիևն այսօր ընդունել է Հարավային Կովկասում ԵՄ-ի հատուկ ներկայացուցիչ Հերբերտ Զալբերին: Հանդիպման ժամանակ կողմերը քննարկել են Ղարաբաղյան հակամարտության կարգավորման հետ կապված հարցեր:
Ալիևը հայտարարել է, որ Ադրբեջանը «հավատարիմ» է հակամարտության շուտափույթ, խաղաղ կարգավորմանը: Ալիևն անհրաժեշտ է համարել ԵԱՀԿ Մինսկի խմբի, միջազգային կազմակերպությունների, այդ թվում նաև ԵՄ-ի ջանքերի ակտիվացումը հակամարտության կարգավորման ուղղությամբ:
Զալբերն ու Ալիևը քննարկել են նաև ԵՄ-ի ու Ադրբեջանի փոխհարաբերությունների ընթացիկ վիճակն ու հեռանկարները: Զալբերն Ադրբեջան է ժամանել այսօր և այն կլքի վաղը:
