Գյումրիի համար մի քիչ շատ են նման հարվածները (Ֆոտոռեպորտաժ)
«Այսօրվա ողբերգությունը, երբ ռուս զինվորականը կասկածվում է իրեն ամրակցված զենքով անմեղ քնած մի ողջ ընտանիքի գնդակահարության մեջ, ինչպես նաև քաղաքում տիրող լարված ու խուճապային վիճակը ևս մեկ անգամ գալիս են ապացուցելու, որ Գյումրին բաց վերքի է նման ու այն գերզգայուն է դարձել։ Ամենացավալին այն է, որ երկիրը դեռևս պատրաստ չէ դիմագրավելու նման ծանր ողբերգություններին։ Այլ բան չես կարող մտածել, երբ ականատես ես լինում, թե գլուխները կորցրած տեղացի զինված ուստիկաններն ինչպես են ծանր հանցագործություն կատարածին փնտրում։ Առավել ևս, երբ ռուս զինվորակնների կողմից հանցագործություններ ու սպանություններ եղել են նաև նախորդ տարիներին, անհասկանալի է մնում, թե ինչու Գյումրիում արագ արձագանքման հատուկ պատրաստվածություն անցած ջոկատայիններ չկան մշտապես տեղակայված։ Երևի մոռանում են, որ հենց Գյուրիում է տեղակայված բազմահազարանոց օտարազգի ռազմաբազան։
Ամեն դեպքում վիշտը խորն է ու, ցավոք, դեռ երկար իրեն զգալ կտա գյումրեցիների հոգում։ Ցավակցում ենք ինչպես զոհվածների հարազատներին, այնպես էլ բոլոր գյումրեցիներին»։
Վահան Թումասյան
