Ուկրաինայի ֆինանսների նախարարը հերքել է, թե երկիրը սնանկության շեմին է
Ուկրաինական UNIAN լրատվական գործակալության փոխանցմամբ՝ Ուկրաինայի ֆինանսների նախարար Նատալյա Յարեսկոն կառավարական պատվիրակության գերմանական այցի ժամանակ գերմանական Handelsblatt պարբերականին տված հարցազրույցի ժամանակ հերքել է, թե Ուկրաինան գտնվում է սնանկության շեմին.
«Մենք վերապրում ենք ֆինանսական ծանր ճգնաժամ, երկիրը հայտնվել է բարդ պայմաններում: Սակայն Ուկրաինան սնանկ չէ: Մենք կատարելապես կարիք ունենք մեր գործընկերների ֆինանսական նոր օգնության: Մեզ անհրաժեշտ են վարկեր և ոչ թե նվերներ: Ներկայումս մենք բանակցություններ ենք վարում Արժույթի միջազգային հիմնադրամի հետ»:
Նախարարը հայտարարել է, որ Ուկրաինայի կառավարությունը վարկատուների օգնության դիմաց խոստանում է բարեփոխումների հավակնոտ ծրագիր:
