Դավիթ Ուսուպաշվիլին հունվարին կմեկնի Թեհրան
Իրանական Tasnim լրատվական գործակալության փոխանցմամբ՝ Վրաստանի խորհրդարանի նախագահ Դավիթ Ուսուպաշվիլին հունվարի 25-ին աշխատանքային այցով կժամանի Թեհրան:
Այցը տեղի կունենա Իրանի խորհրդարանի նախագահ Ալի Լարիջանիի հրավերով: Ուսուպաշվիլիի իրանական այցը կտևի 3 օր, որի շրջանակներում նա հանդիպումներ կունենա Ալի Լարիջանիի ու Իրանի իշխանությունների այլ ներկայացուցիչների հետ: Այդ հանդիպումներում քննարկվելու են միջխորհրդարանական կապերն ու այլ հարցեր:
