Ռումինիայում գրանցվել է օդի ամենացածր ջերմաստիճանը վերջին կես դարում
ZN.UA-ի փոխանցմամբ՝ ռումինացի օդերևութաբանները գրանցել են վերջին 50 տարում օդի ամենացածր ջերմաստիճանը՝ -36 աստիճան: Օդերևութաբաններն այդպիսի ջերմաստիճան են ֆիքսել Կովասն ու Բուզեու շրջանների միջև սահմանին:
Ռումինիայի օդերևութաբանական գործակալությունն ընդգծել է, որ դա Ռումինիայում օդի ամենացածր ջերմաստիճանն է վերջին կես դարում: Ռումինիայի առանձին շրջաններում օդի ջերմաստիճանը կազմել է 25-33 աստիճանի ցուրտ: Արկտիկյան օդը ուժեղ ցրտեր է առաջացրել նաև Ուկրաինայում:
