Եվրահանձնաժողովն Ուկրաինային կհատկացնի հավելյալ 1.8 միլիարդ եվրո
Ուկրաինական UNIAN լրատվական գործակալության փոխանցմամբ՝ Եվրահանձնաժողովը հավելյալ 1.8 միլիարդ եվրոյի ֆինանսական օգնություն կհատկացնի Ուկրաինային: Այս մասին Ռիգայում լրագրողների հետ զրույցում հայտարարել է Եվրահանձնաժողովի նախագահ Ժան Կլոդ Յունկերը:
Նրա խոսքերով՝ Ուկրաինան ունի եվրոպական մյուս երկրների աջակցության կարիքը, ինչի համար էլ իրենք որոշել են շարունակել ֆինանսական աջակցություն ցուցաբերելն ու Ուկրաինային հատկացնում են հավելյալ 1.8 միլիարդ եվրո: Յունկերը հավելել է, որ ԵՄ-ն Ուկրաինային աջակցելը հաստատում է ոչ միայն խոսքերով, այլև՝ գործողություններով:
