Մերկելն ու Քեմերոնը կողմ են 2015 թվականին ԵՄ-ի ու ԱՄՆ-ի միջև ազատ առևտրի գոտի ստեղծելուն
Deutsche Welle-ի փոխանցմամբ` Գերմանիայի կանցլեր Անգելա Մերկելն ու Մեծ Բրիտանիայի վարչապետ Դևիդ Քեմերոնը երեկ համատեղ հայտարարություն են տարածել, որը տեղի է ունեցել Մերկելի լոնդոնյան այցի նախօրեին:
Մերկելն ու Քեմերոնը կողմ են արտահայտվել ԵՄ-ի կայունության ու մրցունակության բարձրացման օգտին: Դրա համար անհրաժեշտ է օգտագործել ներեվրոպական շուկայի պոտենցիալն ու վերացնել բյուրոկրատական սահմանափակումները, որոնք խոչընդոտում են տնտեսության զարգացմանը:
Փաստաթղթում ընդգծվում է առևտրային արգելքների վերացման անհրաժեշտությունն ու խոսք է գնում արդեն 2015 թվականին ԵՄ-ի ու ԱՄՆ-ի միջև ազատ առևտրի գոտի ստեղծելու մասին համաձայնագիր ստորագրելու անհրաժեշտության մասին:
Լոնդոնում կայանալիք Մերկելի ու Քեմերոնի հանդիպման օրակարգում գտնվելու է հունիսի 7-8-ին կայանալիք G7-ի գագաթաժողովի նախապատրաստման հարցը, որն անցկացվելու է բավարական Էլմաու ամրոցում: Այդ գագաթաժողովի ժամանակ քննարկվելու են կլիմայի պաշտպանության ու Էբոլա վիրուսի տարածման դեմ պայքարի խնդիրները:
