Իրանի միջուկային ծրագրի շուրջ բանակցային հաջորդ փուլն անցկացվելու է հունվարի 18-ին
Իրանական IRNA լրատվական գործակալության փոխանցմամբ` Իրանի միջուկային ծրագրի շուրջ Իրանի ու «Վեցյակի» միջև բանակցությունների հերթական փուլը տեղի է ունենքալու հունվարի 18-ին, Ժնևում: Այս մասին հայտարարել է Իրանի փոխարտգործնախարար Աբբաս Արաղչին:
Բանակցային հաջորդ փուլն անցկացվելու է փոխարտգործնախարարների մակարդակով: Մինչ այդ իրանական կողմը հունվարի 15-ին երկկողմ բանակցություններ կվարի ԱՄՆ-ի ու Ռուսաստանի ներկայացուցիչների հետ: Իրանն ու «Վեցյակը» պայմանավորվել են Իրանի միջուկային ծրագրի հարցը վերջնականապես կարգավորել մինչև ընթացիկ տարվա հունիսի վերջը:
