Լուկաշենկոն պաշտոնանկ է արել Բելառուսի պաշտպանության նախարարին
Belta լրատվական գործակալության փոխանցմամբ` Բելառուսի նախագահ Ալեքսանդր Լուկաշենկոն պաշտոնանկ է արել պաշտպանության նախարար, գեներալ-մայոր Յուրի Ժադոբինին: Այս մասին հայտնել է Բելառուսի առաջնորդի մամլո ծառայությունը: Դեռ հայտնի չէ, թե ով է փոխարինելու Ժադոբինին:
60-ամյա Յուրի Ժադոբինը Բելառուսի ՊՆ-ը գլխավորում էր 2009 թվականի դեկտեմբերից: Մինչ այդ էլ նա զբաղեցրել է Պետական անվտանգության կոմիտեի նախագահի, ինչպես նաև Անվտանգության խորհրդի պետքարտուղարի պաշտոնները: Ժադոբինը հանդիսացել է նաև Բելառուսի ներքին գործերի փոխնախարար:
