Ռուսաստանը պատժամիջոցների ու նավթի գնանկման պատճառով կարող է տարեկան կորցնել 140 միլիարդ դոլար
Ռուսական ТАСС լրատվական գործակալության փոխանցմամբ՝ Ռուսաստանի տնտեսությունը կարող է աշխարհաքաղաքական պատժամիջոցների պատճառով կորցնել մոտ 40 միլիարդ դոլար: Այս մասին Միջազգային ֆինանսական-տնտեսական ֆորումի ժամանակ հայտարարել է Ռուսաստանի ֆինանսների նախարար Անտոն Սիլուանովը:
«Ի՞նչ պատահեց տնտեսության հետ: Մենք տարեկան մոտ 40 միլիարդ դոլար ենք կորցնում քաղաքական պատժամիջոցների պատճառով և տարեկան կարող ենք կորցնել 90-100 միլիարդ դոլար այն բանի հետևանքով, որ նավթի գինը նվազել է 30 տոկոսով»: Սիլուանովը հիշեցրել է, որ 2014 թվականի սկզբից նավթի գինը նվազել է 30 տոկոսով, և որ նույնչափ թուլացել է ռուբլին:
