Օդի ջերմաստիճանը առաջիկա օրերին կնվազի 4-6 աստիճանով
Նոյեմբերի 23-ին, գիշերը ժամը 00.00-ից ՀՀ լեռնային և նախալեռնային շրջաններում սպասվում են տեղումներ ձյան տեսքով, հովտային շրջաններում` անձրևի: Տեղումների հետևանքով որոշ ավտոճանապարհներին հնարավոր է մերկասառույց:
ԱԻՆ-ի փոխանցմամբ՝ նոյեմբերի 23-ին հյուսիսային և արևելյան շրջաններում, իսկ նոյեմբերի 24-27-ին շրջանների մեծ մասում ժամանակ առ ժամանակ սպասվում են տեղումներ և մառախուղ, լեռնային և արևելյան շրջաններում` ձյան տեսքով: Քամին` հարավ-արևելյան 2-7 մ/վրկ:
Օդի ջերմաստիճանը նոյեմբերի 24-25-ին հատկապես արևելյան շրջաններում կնվազի 4-6 աստիճանով:
