ՀՀ ԱԳՆ մամուլի խոսնակ. Ադրբեջանի նախագահի թվիթերյան միկրոբլոգում կոմեդիայի ժամ է
«Ադրբեջանի նախագահի թվիթերյան միկրոբլոգում կոմեդիայի ժամ է»,- այսպես է ՀՀ արտաքին գործերի նախարարության մամուլի խոսնակ Տիգրան Բալայանը Թվիթեր սոցցանցի իր էջում արձագանքել Իլհամ Ալիևի գրառմանը:
Ադրբեջանի նախագահի թվիթերյան միկրոբլոգում մասնավորապես նշված է. «Մենք ունենք հզոր տնտեսություն, բայց առանց հզոր քաղաքական համակարգի մենք չէինք զարգանա այնքան արագ, որքան ուզում ենք: Մեր քաղաքական համակարգը կարող է որպես մոդել ծառայել եվրոպական քաղաքական համակարգի համար»:
