Օբաման մտադիր է ժամանակավոր իրավական կարգավիճակ տրամադրել 5 միլիոն ապօրինի ներգաղթյալի
BBC-ի ռուսական ծառայության փոխանցմամբ՝ ԱՄՆ նախագահ Բարաք Օբաման հայտարարել է, որ մտադիր է ժամանակավոր իրավական կարգավիճակ տրամադրել 5 միլիոն ապօրինի ներգաղթյալի: Դա առաջին հերթին վերաբերվում է ԱՄՆ-ի տարածքում ծնված երեխաների ծնողներին, ինչպես նաև ավելի քան 5 տարի ԱՄՆ-ում բնակվող ներգաղթյալներին:
Իր հեռուստաուղերձում Օբաման հայտարարել է, որ ապօրինի ներգաղթյալներն ԱՄՆ-ի տարածքում իրենց գտնվելն օրինականացնելու համար պետք է վճարեն հարկեր ու անցյալում չունենան քրեական պատմություն. «Եթե դուք հանցագործ եք, ապա ձեզ կարտաքսեն: Ներգաղթյալների ստեղծած երկիրը պետք է հնարավորություն տա մյուս ներգաղթյալներին»:
Ներկայումս ԱՄՆ-ում բնակվում է ավելի քան 12 միլիոն ապօրինի ներգաղթյալ, որոնք գերազանցապես ներկայացնում են Լատինական Ամերիկայի երկրները: ԱՄՆ-ը տարեկան արտաքսում է մոտ 400.000 մարդու:
