Նիկարագուայի միջօվկիանոսյան ջրանցքի կառուցումը մեկնարկելու է դեկտեմբերի 22-ին
Բրիտանական Reuters լրատվական գործակալության փոխանցմամբ՝ Խաղաղ ու Ատլանտյան օվկիանոսների միջև Նիկարագուայի ջրանցքի կառուցումը մեկնարկելու է դեկտեմբերի 22-ին: Ջրանցքի երթուղին հաստատվել է այս տարվա հուլիսին: Չի բացառվում, որ նոր ջրուղին շահագործման կհանձնվի 2020 թվականին:
Ջրանցքի կառուցումը տևելու է մոտ 5 տարի: Ջրանցքն այլընտրանք կհանդիսանա Պանամայի ջրանցքին և անցնելու է նրանից 805 կիլոմետր դեպի հյուսիս-արևելք: Ջրանցքի կառուցումն արժենալու է 50 միլիարդ դոլար:
Ապագա ջրանցքի երրկարությունը կազմելու է 278 կիլոմետր, լայնությունը՝ 230-520 մետր, խորությունը՝ 27.6 մետր: Դա կրկնակի ավելի է՝ համեմատած Պանամայի ջրանցքի համանման պարամետրերը: Ջրանցքն անցնելու է Կենտրոնական Ամերիկայի խոշորագույն լճի՝ Նիկարագուայի լճի միջով:
