Ճապոնիայի վարչապետն արձակել է խորհրդարանի առանցքային պալատը
Lenta.ru-ի փոխանցմամբ՝ Ճապոնիայի վարչապետ Սինձ Աբեն կառավարության այսօրվա նիստի ժամանակ հայտարարել է խորհրդարանի առանցքային ստորին պալատի անցկացման ու վաղաժամ համընդհանուր ընտրություններ անցկացնելու որոշման մասին:
Համապատասխան փաստաթղթերի վրա իրենց ստորագրությունն են դրել կառավարության բոլոր անդամները: Սահմանադրության համաձայն՝ ստորին պալատի արձակման մասին որոշումը կայացնում է կառավարության ղեկավարը: Համապատասխան փաստաթուղթը պետք է ստորագրի Ճապոնիայի կայսրը:
Ավելի ուշ այն ընթերցում են ստորին պալատի լիագումար նիստում, որը դրանից հետո դադարեցնում է իր գործունեությունը: Ընտրական կամպանիան մեկնարկելու է դեկտեմբերի 2-ին, իսկ ընտրությունները կանցկացվեն դեկտեմբերի 14-ին:
