Պուտինն աստված է, համենայն դեպս՝ աստծու տեղակալ. Գորբաչով
Московский комсомолец թերթի փոխանցմամբ՝ Մոսկվայում տեղի է ունեցել ԽՍՀՄ առաջին ու վերջին նախագահ Միխայիլ Գորբաչովի «Կրեմլից հետո» գրքի շնորհանդեսը, որին ներկա են գտնվել հարյուրավոր մարդիկ: Գրքում տեղ են գտել քաղաքական այժմեական թեմաների մասին հոդվածներ, հարցազրույցներ, շարադրանքներ:
Իր ելույթում Գորբաչովն անդրադարձել է Ռուսաստանի վերականգնման հարցում ներկայիս նախագահ Վլադիմիր Պուտինի դերակատարությանը. «Ելցինից հետո երկրի վերականգնման հարցում մեծ դեր է խաղացել Պուտինը: Վերականգնեցին, կարգի բերեցին, ստիպեցին ապրել Սահմանադրությանը համապատասխան:
Կյանքը դարձավ ավելի լավ: Պուտինը կայացած նախագահ է: Նա հիվանդացել է ինքնավստահությամբ, որով և իմ ժամանակին հիվանդացել եմ ես: Նա աստված է, համենայն դեպս աստծու տեղակալ»: Գորբաչովի ելույթը տևել է մոտ մեկ ժամ:
