Ուկրաինայում այսօր նշում են Եվրամայդանի միամյակը
Gordonua.com-ի փոխանցմամբ՝ այսօր Կիևում տեղի են ունենալու ժողովրդական հավաք, երթ, ցուցահանդես ու հիշատակի համերգ՝ նվիրված Եվրամայդանի միամյակին: Միջոցառումների պլանն իր կայքում հրապարակել է Ուկրաինայի մշակույթի նախարարությունը:
Դրանք մեկնարկելու են ժամը 09.00-ին՝ Երկրային հարյուրակի խորհրդանշական հուշարձանին ծաղիկներ դնելով: Այնուհետև բացվելու են մի շարք ֆոտոցուցահանդեսներ ու տեղի են ունենալու Ինքնապաշտպանության ու Ավտոմայդանի երթեր:
Երեկոյան Մայդանում տեղի է ունենալու ժողովրդական հավաք, որն էլ ավարտվելու է «Ազատության երգեր» համերգով: Համերգը կտևի մինչև ժամը 22.00-ը: Նոյեմբերի 13-ին Ուկրաինայի նախագահ Պյոտր Պորոշենկոն ստորագրել է ամեն տարվա նոյեմբերի 21-ը որպես Արժանապատվության ու ազատության օր նշելու մասին հրամանը: Ակնկալվում է, որ Պորոշենկոն Կիևում կմասնակցի այսօրվա միջոցառումներին:
