Մաքսային միությունը մեծ կարևորություն ունի մեզ համար. Նազարբաև
Ռուսական ТАСС լրատվական գործակալության փոխանցմամբ՝ Մաքսային միության ներսում ապրանքների ազատ տեղաշարժը կարևոր նշանակություն ունի Ղազախստանի համար, որը չունի ելք դեպի ծով: Այս մասին հայտարարել է Ղազախստանի նախագահ Նուրսուլթան Նազաբաևը.
«Հաջորդ տարվանից սկսելու է գործել Ղազապստանի, Ռուսաստանի ու Բելառուսի տնտեսական միությունը: Մեր նպատակը բացառապես պրագմատիկ է, քանի որ Ռուսաստանը մեր գլխավոր գործընկերն է, որի հետ ունենք մոտ 7500 կիլոմետր երկարությամբ ընդհանուր սահմաններ:
Ղազախստանը գտնվում է Եվրասիական մայրցամաքի ներսում և չունի ելք դեպի ծով: Դրա համար էլ մեզ համար կարևոր նշանակություն ունի Մաքսային միությունը, որի շրջանակներում վերացվում են մաքսային արգելքները և մեր բեռներն անարգել դուրս կգան արտաքին շուկաներ»:
