ԴԱՀԿ-ն կալանք է դրել Տիգրան Ուրիխանյանին պատկանող գույքի և դրամական միջոցների վրա
ՀՀ Դատական ակտերի հարկադիր կատարման ծառայությունը կալանք է դրել ԱԺ ԲՀԿ-ական պատգամավոր Ուրիխանյանին պատկանող գույքի ու դրամական միջոցների վրա։ Այս մասին ֆեյսբուքի իր էջում գրել է Տիգրան Ուրիխանյանը։
* * *
Այսօր ԴԱՀԿ-ն առանց ԴԱՏԱՐԱՆԻ ՎՃԻՌԻ արգելանք դրեց պատգամավոր Ուրիխանյանին պատկանող գույքի ու դրամական միջոցների վրա՝ ընդամենը 5000 դրամ տուգանքի համար: ՀՀ Սահմանադրությունը արգելում է որևէ քաղաքացու գույքի կամ դրամական միջոցների վրա արգելանք դնելը առանց ԴԱՏԱՐԱՆԻ ՎՃԻՌԻ : Հենց այս խայտառակ ապօրինության դեմ են երկար ժամանակ պայքարում ոչիշխանական ուժերը և Տ.Ուրիխանյանը հատկապես բազմաթիվ ելույթներով, քննադատությամբ ու օրենքների նախագծերով: Սա միանշանակ ժողովրդին տուգանքային ռեկետի ենթարկած իշխանությունների ճղճիմ հաշվեհարդարի փորձն է պատգամավորի նկատմամբ: Սակայն պայքարը շարունակվելու է էլ ավելի թեժ, և եկող քառօրյա նիստին ներկայացվելու է օրենքի նոր նախագիծ, տեսնենք ինչպես է իշխանությունը բացահայտ դեմ քվեարկելու:
P.S. Ի դեպ ԴԱՀԿ որոշումը ստորագրված է կատարող Արմեն Պետրոսյանի կողմից: Խորհուրդ է տրվում նրան ծանոթանալ ՀՀ Սահմանադրությանը, որը խախտող յուրաքանչյուրը պատասխանատվություն է կրելու:
