Սամարայում արգելել են «Եհովայի վկաներ»-ի գործունեությունը
INTERFAX գործակալության փոխանցմամբ՝ Գերագույն դատարանն անփոփոխ է թողել Սամարայի մարզային դատարանի որոշումը՝ «Եհովայի վկաներ» կազմակերպության Սամարայի կառույցը ծայրահեղական կազմակերպություն ճանաչելու եւ դրա գործունեությունն արգելելու մասին:
Մարզային դատախազությունից գործակալությանն ասել են, որ որոշ ժամանակ առաջ բազմաթիվ փաստեր են ի հայտ եկել՝ այդ կազմակերպության նեկայացուցիչների կողմից ծայրահեղական նյութեր ունենալու վերաբերյալ, որոնք նախատեսված են եղել զանգվածային տարածման համար:
«2013 թվականին դատախազությունը «Եհովայի վկաներ» կազմակերպությանը նախազգուշացրել է ծայրահեղական բնույթի գործունեության անթույլատրելիության մասին: Սակայն տարվա ընթացքում դատախազությունը նման գործունեության մասին վկայող նոր փաստեր է հայտնաբերել»,-ասել են դատախազությունից:
