Ճանապարհային երթևեկության տուգանքների չափերն առայժմ չեն նվազեցվի
Վարչական իրավախախտումների վերաբերյալ ՀՀ օրենսգրքում փոփոխություններ կատարելու օրենսդրական նախաձեռնությունով հանդես է եկել ԱԺ պատգամավոր Հրանտ Բագրատյանը, նման բովանդակությամբ՝ նաև պատգամավորներ Հովհաննես Մարգարյանը և Հեղինե Բիշարյանը: Ներկայացված նախագծերով նախատեսվում է նվազեցնել վարչական իրավախախտումների վերաբերյալ օրենսգրքով սահմանված ճանապարհային երթևեկության կանոնների խախտման համար նախատեսված վարչական տուգանքների չափերը: Նկատի ունենալով, որ միջգերատեսչական աշխատանքային խումբը քննարկում է ճանապարհային երթևեկության կանոնների խախտման վերաբերյալ նոր հայեցակարգային մոտեցումներ, կառավարությունը նախագծերի հեղինակներին առաջարկել է առայժմ ձեռնպահ մնալ քննարկումից:
