Վրաստանի զինված ուժերի Գլխավոր շտաբի պետը պաշտոնանկ չի արվի
Грузия Online-ի փոխանցմամբ՝ Վրաստանի զինված ուժերի Գլխավոր շտաբի պետ, գեներալ-մայոր Վախթանգ Կապանաձեն լրագրողների հետ զրույցում հայտարարել է, որ պաշտպանության նոր նախարարի հետ պլանավորում է ոչ թե սովորական, այլ՝ արդյունավետ համագործակցություն:
Կապանաձեն երեկ ուշ երեկոյան վերադարձել է ԱՄՆ-ից, ուր գտնվել է պաշտոնական այցով: Կապանաձեն ընդգծել է, որ չի լքելու զբաղեցրած պաշտոնը, և պլանավորում է համագործակցել պաշտպանության նոր նախարարի հետ:
Նրա խոսքերով՝ զինված ուժերը քաղաքականությունից դուրս են, և որ նրանց քաղաքականությունը բացառապես Վրաստանի անվտանգությունը պաշտպանելն է: Կապանաձեն հիշեցրել է, որ իրեն կարոող է նշանակել ու պաշտոնանկ անել միայն երկրի գերագույն գլխավոր հրամանատարը:
