ԱՄՆ գլխավոր դատախազի պաշտոնն առաջին անգամ կարող է զբաղեցնել աֆրոամերիկուհին
Բրիտանական Reuters լրատվական գործակալության փոխանցմամբ` ԱՄՆ նախագահ Բարաք Օբաման ԱՄՆ գլխավոր դատախազի պաշտոնում առաջադրելու է Լորետա Լինչի թեկնածությունը: Այս մասին հայտարարել է Սպիտակ տան ներկայացուցիչ Ջոշ Էռնեստը:
Նշանակումը տեղի է ունենալու այսօր` կապված Էրիկ Հոլդերի կողմից գլխավոր դատախազի պաշտոնը լքելու հետ: Լինչը 2010 թվականից հանդիսանում է Նյու Յորքի արևելյան օկրուգի գծով դատախազ:
ԱՄՆ-ում արդարադատության նախարարը միաժամանակ հանդիսանում է նաև երկրի գլխավոր դատախազը: Եթե Սենատը հաստատի 55-ամյա Լորետա Լինչի թեկնածությունը, ապա վերջինս կդառնա առաջին աֆրոամերիկուհին, ով գլխավորում է ԱՄՆ գլխավոր դատախազությունն ու արդարադատության նախարարությունը:
