Թուրքիան ու Ադրբեջանը քննարկել են ռազմական համագործակցության հարցը
Ադրբեջանական Turan լրատվական գործակալության փոխանցմամբ՝ Ադրբեջանի պաշտպանության նախարար, գեներալ-գնդապետ Զաքիր Հասանովն այսօր ընդունել է Թուրքիայի զինված ուժերի հատուկ նշանակության ստորաբաժանումների հրամանատար, գեներալ Զեքաի Աքսաքալլըին:
Այս մասին հայտնել է Ադրբեջանի պաշտպանության նախարարության մամլո ծառայությունը: Վերջինիս հաղորդմամբ՝ հանդիպման ժամանակ կողմերը քննարկել են տարածաշրջանի ռազմաքաղաքական իրավիճակը, ինչպես նաև ռազմական համագործակցության հարցը:
Ընդգծվել է երկու երկրների հատուկ նշանակության ուժերի միջև փորձի փոխանակման կարևորությունը: Սրանից առաջ հաղորդվել էր, որ Աքսաքալլըն Ադրբեջան է այցելել եռօրյա այցով:
