Մենք կտրականապես դատապարտում ենք Ռուսաստանի սադրիչ գործողությունները. Կանադայի ԱԳՆ
Lenta.ru-ի փոխանցմամբ՝ Կանադայի արտգործնախարար Ջոն Բերդը հայտարարել է, որ իր երկիրը մտահոգ է Ուկրաինայի հետ սահմանին ռուսական զորքերի հնարավոր տեղաշարժերի կապակցությամբ: Այս մասին նշված է Կանադայի ԱԳՆ-ի կայքում.
«Մենք կտրականապես դատապարտում ենք Ռուսաստանի կողմից այդ սադրիչ գործողությունները: Մեր կարծիքով՝ դա ևս մեկ ապացույց է նրա, որ Կրեմլը ձգտում է միայն խոչընդոտել Ուկրաինայի հակամարտության խաղաղ կարգավորմանը»:
Բերդը Ռուսաստանին կոչ է արել անհապաղ սեփական զորքերը դուրս բերել ոչ միայն Ուկրաինային սահմանամերձ շրջաններից, այլև՝ ինքնիշխան Ուկրաինայի տարածքից, ուր նրանք շարունակում են բռնությունները և ուր արդեն իսկ զոհվել է ավելի քան 4000 մարդ:
Բերդը հիշեցրել է Ռուսաստանի կողմից մինսկյան պայմանավորվածություններով ստանձնած սեփական պարտավորությունները կատարելու անհրաժեշտության մասին:
