Պուտինը ՀԱՊԿ-ի անդամների հետ կքննարկի կազմակերպության գործունեությանն առնչվող այժմեական հարցեր
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը հանդիպելու է ՀԱՊԿ-ի Խորհրդարանական վեհաժողովի խորհրդի անդամների հետ, որոնց նիստը Մոսկվայում անցկացվելու է վաղը:
Պուտինը կազմակերպությունում Ռուսաստանի նախագահելու համատեքստում քննարկելու է ՀԱՊկ-ի գործունեությանն առնչվող այժմեական հարցեր: Այս մասին այսօր հայտնել է Կրեմլի մամլո ծառայությունը:
Վերջինիս հաղորդմամբ՝ նիստում քննարկվելու է նաև Խորհրդարանական վեհաժողովի դերը ՀԱՊԿ-ի շրջանակներում բազմապլանային համագործակցության իրավական ու օրենսդիր բազայի ամրագրման մեջ: Նիստն անցկացվելու է ՌԴ Պետդումայում՝ վերջինիս նախագահ Սերգեյ Նարիշկիի մասնակցությամբ:
