Ժան Կլոդ Յունկերը պլանավորում է ԵՄ-ի սահմաններից դուրս առաջինն այցելել Ուկրաինա
Ռուսական РИА Новости լրատվական գործակալության փոխանցմամբ՝ Եվրահանձնաժողովի նախագահ Ժան Կլոդ Յունկերը պլանավորում է ԵՄ-ի սահմաններից դուրս իր առաջին այցն իրականացնել Ուկրաինա:
Յունկերը Եվրահանձնաժողովի նոր կազմով առաջին նիստի արդյունքներով հայտարարել է. «Այո՛, ես կգնամ Ուկրաինա, սակայն չգիտեմ, թե եբ: Ես Ուկրաինայի նախագահին խոստացել եմ, որ ԵՄ-ի սահմաններից դուրս իմ առաջին երկկողմ այցը կլինի դեպի Կիև»:
Ավելի վաղ Ուկրաինայի նախագահ Պյոտր Պորոշենկոն ու Ժան Կլոդ Յունկերը հեռախոսազրույցի ժամանակ քննարկել են Ռուսաստանից գազի մատակարարման ֆինանսական մեխանիզմների հարցը:
