Մերկելի խորհրդականն առաջարկել է արգելել Զախարչենկոյի ու Պլոտնիցկու մուտքը ԵՄ
Բրիտանական Reuters լրատվական գործակալության փոխանցմամբ՝ Գերմանիայի կանցլերի՝ արտաքին քաղաքական հարցերով խորհրդական Քրիստոֆ Հոյգսենն առաջարկել է արգելել ինքնահռչակ ԴԺՀ-ի ու ԼԺՀ-ի ղեկավարներ Ալեքսանդր Զախարչենկոյի ու Իգոր Պլոտնիցկու մուտքը ԵՄ-ի տարածք:
Մերկելի խորհրդականն այդ մասին հայտարարել է Բեռլինում կազմակերպված արտաքին քաղաքականության կոնֆերանսի ժամանակ: Նա նաև ընդգծել է, որ Ուկրաինայի արևելքում անցկացված ընտրությունները խախտել են հրադադարի ռեժիմը:
ԴԺՀ-ի ու ԼԺՀ-ի ղեկավարների պաշտոնում Ալեքսանդր Զախարչենկոյի ու Իգոր Պլոտնիցկու երդմնակալության արարողություններն անցկացվել են երեկ:
