Ադրբեջանը Ռուսաստանին իր գազամատակարարումները կվերսկսի 2015 թվականին
Ռուսական РИА Новости լրատվական գործակալության փոխանցմամբ՝ Ադրբեջանի պետական նավթային ընկերությունը (SOCAR) Ռուսաստանին իր գազամատակարումները վերսկսելու է 2015 թվականին:
Այս մասին լրագրողների հետ զրույցում հայտարարել է SOCAR-ի նախագահ Ռովնագ Աբդուլաևը. «Աշխատանքները շարունակվում են, և ամենայն հավանականությամբ գազի մատակարարումները կվերսկսվեն հաջորդ տարի»:
SOCAR-ն ընթացիկ տարվա օգոստոսին կասեցրել էր Ռուսաստանին իր գազամատակարարումները՝ կապված Բաքու-Ղուբա-Ռուսաստանի սահման ավտոճանապարհի վերանորոգման աշխատանքների ու գազատրանսպորտային ենթակառուցվածքի տեխնիկական աշխատանքների հետ:
