ԱԷՄԳ-ը չի կարող երաշխավորել Իրանի միջուկային ծրագրի խաղաղ բնույթը. Ամանո
Ռուսական РИА Новости լրատվական գործակալության փոխանցմամբ՝ ԱԷՄԳ-ը չի կարող երաշխավորել, որ Իրանը միջուկային նյութերն օգտագործում է բացառապես խաղաղ նպատակով: Այս մասին երեկ ՄԱԿ ԳԱ-ի լիագումար նիստում հայտարարել է ԱԷՄԳ-ի ղեկավար Յուկիա Ամանոն.
«Մենք ի վիճակի չենք հուսալի երաշխիքներ տրամադրել չհայտարարված միջուկային նյութերի ու գործունեության վերաբերյալ: Դրա հետ կապված՝ ԱԷՄԳ-ը չի կարող եզրակացության գալ, որ Իրանում միջուկային բոլոր նյութերն օգտագործվում են խաղաղ նպատակներով:
Մնացյալ բոլոր հարցերը լուծելու համար կարևոր է, որ Իրանը ժամանակին կատարի գործնական բոլոր միջոցները, որոնք համաձայնեցվել են ԱԷՄԳ-ի հետ համագործակցության համաձայնագրով: Ես նաև Իրանին կոչ եմ անում շարունակել մեր համագործակցության շրջանակներում առաջարկել գործնական նոր միջոցներ»:
